കണിക്കൊന്ന

കണ്ണന്റെ  അരയിലെ കിങ്ങിണി പോലെ

   പൂ‍ത്തുനില്‍ക്കും കണിക്കൊന്നപ്പൂവേ…

എങ്ങനെ കിട്ടിയീ മഞ്ഞനിറം…

നിന്റെ വര്‍ണ്ണമനോഹരമാം സ്വര്‍ണ്ണനിറം..

ഈ വര്‍ണ്ണമനോഹരമാം സ്വര്‍ണ്ണനിറം….

 

 

മീനവെയിലേറ്റ് തൊടിയാകെ വരളുമ്പോള്‍

നീമാത്രം തളരാതുണര്‍ന്നുനില്‍ക്കും…

കണ്ണിനും കരളിനും കുളിരേകും ഭംഗിയാല്‍

ഏവരും നിന്നില്‍ ലയിച്ചുനില്‍കും…

എല്ലാം മറന്നുമയങ്ങിനില്ക്കും….

 

 

കണ്ണനുമുന്നിലായ് കണിവയ്കും നേരം നീ

കണിയിലൊന്നാമനായ് ചിരിച്ചുനില്‍കും….

കണ്ണിമചിമ്മാതെ കണികണ്ടുനില്‍കുമ്പോള്‍

നിന്നെ മറക്കാ‍തെ ഓര്‍ത്തുവയ്കും …

ആരും നിന്നെ മറക്കാതെ ഓര്‍ത്തുവയ്കും…

 

 

നല്ല ഓര്‍മ്മകള്‍

ഇല പൊഴിയുന്നൊരു ശിശിര നിലാവില്‍..
ഈറന്‍ കാറ്റിലും കുളിരാതെ…
ഈണത്തില്‍ പാടുന്നൊരിത്തിരി പക്ഷിയായ്
ഈ നീലരാവിലുറങ്ങാതെ..

ആരോരും കാണാതെ ആരോരുമറിയാതെ…പ്രിയതമനേ നീയന്നരികില്‍ വന്നൂ…
ഒരു പനിനീര്‍പൂവുമായ് നീ വന്നൂ…

വസന്തവും ശിശിരവും വന്നു പോയീ…
വര്‍ഷങ്ങള്‍ അറിയാതെ കടന്നു പോയീ..
എന്നോ നീ എന്റെ സ്നേഹിതനായ്…ഒരു പാട്കാലം എന്‍ നാഥനായ്
വിധിയെന്ന മാറാപ്പ് വേര്പെടുത്തും വരെ
നീയെന്റെ എല്ലാം ആയിരുന്നൂ..

സുഗന്ധമേകും ആ ഓര്‍മ്മകള്‍…എന്നോ എന്നെ വിട്ടകന്നൂ…
നീയെന്നില്‍ നിന്നിന്നെങ്ങോ പോയ് മറഞ്ഞൂ
ഒരുവാക്കും മിണ്ടാതെ പോയ് മറഞ്ഞൂ…
എങ്കിലും നിനക്കായ് ഞാന്‍ കാത്തിരുന്നൂ…ഒരുപാട്കാലം കാത്തിരുന്നൂ…
കുളിര്‍നിലാമഴപെയ്ത ഒരു രാത്രി നീ
ഒരു നല്ല സ്വപ്നമായ് അരികില്‍ വന്നൂ
എന്നെയും കൂട്ടിനീ പറന്നകന്നൂ ദൂരേയ്ക് ദൂരേയ്ക് പറന്നകന്നൂ..