Saturday, March 1, 2008

കണിക്കൊന്ന





കണ്ണന്റെ അരയിലെ കിങ്ങിണി പോലെ
പൂ‍ത്തുനില്‍ക്കും കണിക്കൊന്നപ്പൂവേ…
എങ്ങനെ കിട്ടിയീ മഞ്ഞനിറം…
നിന്റെ വര്‍ണ്ണമനോഹരമാം സ്വര്‍ണ്ണനിറം..
ഈ വര്‍ണ്ണമനോഹരമാം സ്വര്‍ണ്ണനിറം….

മീനവെയിലേറ്റ് തൊടിയാകെ വരളുമ്പോള്‍
നീമാത്രം തളരാതുണര്‍ന്നുനില്‍ക്കും…
കണ്ണിനും കരളിനും കുളിരേകും ഭംഗിയാല്‍
ഏവരും നിന്നില്‍ ലയിച്ചുനില്‍കും…
എല്ലാം മറന്നുമയങ്ങിനില്ക്കും….

കണ്ണനുമുന്നിലായ് കണിവയ്കും നേരം നീ
കണിയിലൊന്നാമനായ് ചിരിച്ചുനില്‍കും….
കണ്ണിമചിമ്മാതെ കണികണ്ടുനില്‍കുമ്പോള്‍
നിന്നെ മറക്കാ‍തെ ഓര്‍ത്തുവയ്കും …
ആരും നിന്നെ മറക്കാതെ ഓര്‍ത്തുവയ്കും…
© Copy right reserved to author