അമ്പാടിക്കണ്ണനെ കണികാണാനായ് ഞാന്
ഒരുനാള് ഗുരുവായൂര് നടയിലെത്തീ
കണ്ണുകള് പൂട്ടി ഞാന് കണ്ണനെ ധ്യാനിച്ച്
എത്രയോ നേരം തിരുനടയില് നിന്നൂ…
കണ്ണുകള് പൂട്ടി ഞാന് കണ്ണനെ ധ്യാനിച്ച്
എത്രയോ നേരം തിരുനടയില് നിന്നൂ…
അമ്പാടിക്കണ്ണാ നിന് തിരുമുമ്പില് നില്കുമ്പോള്
ഞാനുമൊരുണ്ണിയായ് തീര്ന്നപോലെ…
കണ്മുന്നില് തെളിയുന്നു കണ്ണന്റെ ലീലകള്
കേള്ക്കുന്നു മധുരമാം വേണുഗാനം…
ഒരുവട്ടം കണ്ടിട്ടും കൊതി തീരാതെ ഞാന്
പലവട്ടം തിരുമുന്നില് തൊഴുവാനെത്തീ...
ഇനിനിന്നെയെന്നുഞാന് കാണുമെന്നോര്ത്തപ്പോള്
കണ്ണുകള് ഈറനണിഞ്ഞുപോയീ…
ഒരു കുഞ്ഞു പൈതലായ് എന് മുന്നില് വന്നു നീ
ഒരു മഞ്ചാടിക്കുരുവെന് കൈയ്യില് തന്നൂ
അന്നു ജന്മാഷ്ടമിനാളില് നീ തന്ന കൈനീട്ടം
ഇന്നും ഞാന് നിധിപോലെ കാത്തിടുന്നൂ…
© Copy right reserved to author
...
ഈ ഭക്തിഗാനം പണിക്കര് സാര് ഇന്ത്യഹെറിറ്റേജ് എന്ന ബ്ലോഗില് ഈണമിട്ട് ആലപിച്ചിരിയ്കുന്നു...
